Mic Léinn Lánfhásta

An chéad chéim chun do ghairm bheatha a athrú is ea céim a bhaint amach in Ollscoil na Gaillimhe. Sula smaoiníonn tú ar an gcéim is mian leat a bhaint amach tá roinnt céimeanna a mholaimid:

1. Léigh an Treoir do Mhic Léinn Lánfhásta chun eolas a fháil ar chritéir a bhaineann lenár gcéimeanna uile.
2. Léigh an Réamheolaire Fochéime chomh maith chun mionchur síos a fháil ar na céimeanna agus na hábhair aonair.
3. Tá eolas ar Láithreán Gréasáin na gCúrsaí Iarchéime faoi na roghanna atá ar fáil duit le staidéar a dhéanamh orthu tar éis duit do chéim a bhaint amach.
4. Mura bhfuil tú cinnte faoi chéim lánaimseartha a dhéanamh bain triail as Bonnchúrsa ar dtús nó Cúrsa Rochtana.
5. Mura bhfuil tú cinnte cén Ghairm Bheatha le tabhairt faoi, bain triail as roinnt tástálacha gairmeacha ag http://www.careerdirections.ie/
6. Téigh chuig Laethanta Oscailte Ollscoil na Gaillimhe. Chun tuilleadh eolais a fháil, féach ar Imeachtaí Fíorúla Ollscoil na Gaillimhe.
7. Déan iarratas tríd an CAO in am! Roimh an 20 Eanáir chun an lascaine ar líne a fháil. Caithfidh gach iarratas a bheith istigh roimh an 1 Feabhra. http://www.cao.ie/
8. Cinntigh go bhfuil tú cláraithe i gceart le haghaidh aon Mheasúnuithe Iontrála mar atá leagtha amach sa Treoir do Mhic Léinn Lánfhásta.
9. Comhlánaigh d’iarratas CAO i gceart ag cur tic sa bhosca Mac Léinn Lánfhásta. Ná bíodh drogall ort an taithí ábhartha uile atá agat agus na cúrsaí ar fad ar ghlac tú páirt iontu a chuidigh leat dul i dtreo céim a bhaint amach a chur san áireamh.
10. Má bhíonn plean soiléir gairme agat, tabharfaidh sé cúnamh duit a bheith dírithe, spreagtha agus diongbháilte.

Tá Oifig na Mac Léinn Lánfhásta lonnaithe san Ionad Rochtana ar urlár na talún in Áras Uí Chathail. Moltar coinne a dhéanamh le hOifigeach na Mac Léinn Lánfhásta. Rphost: maturestudents@universityofgalway.ie